منسم وضايع السبت ديسمبر 13, 2008 7:13 am
هههههههه
موضوع حلو وجميل
أنا بصراحه كانت طاولتي شبه نظيفه
لكن في بعض الطلاب يبدلون الطاولات وكل يوم نضيع طاولاتنا
أنا كانت كتاباتي ورسوماتي على الطاوله جدآ بسيطه
كان في شي ضروري أرسمه في أي طاوله آخذها
لا أحد يقول ليش!!!
لأني أنا بنفسي ما أعرف السبب
المهم كنت أرسل رجل لابس غتره وحرمته المتنقبه
ومعهم طفل يرضع والآخر واقف جنبهم
هذي الرسمه لازم تكون على الجانب الأيسر في الزاويه السفلى من الطاوله
>>>منطقه مدروسه
والزاويه اليمنى أكتب فيها أي بيت شعر أئلفه في حصص الأحياء
أما أبيات الشعر إللي أئلفها بحصة الرياضيات كنت أكتبها بالدفتر عشان إذا شافني الأستاذ يعرف إني شاطر وقاعد أحل معه>>ما يدري إني بوادي ثاني
أما الزاويه اليسرى من أعلى الطاوله هذي كنت أكتب فيها أغاني
خاصه إللي دايم أرددها على لساني
مثل أغنية نوال وفضل"أحاول"
أحس إن الطاولات طفشت من الأغنية هذي
في كل مكان أكتبها
أما الزاوية السفلى من الجهة اليمنى هذي كنت بصراحه وبصراحه أبرشم فيها
وكنت أبرشم بس في حصص العربي
لأني ما أعرف أغش وأنصاد على طول
ومدرس العربي كان يشوفنا نغش ويسكت ويعديها لنا
أما المنطقه الوسطى والأهم إللي تكلمت عنها هذي تاركها فاضيه لأنها كانت تعني لي شي كبير
وكنت أشوف شخصيتي في هالطاوله
يعني إللي تشوف منه أشياء سيئه وما تعجبك لو تجي لقلبه تلقاه أبيض ونظيف
وأنا كنت أعتبر منتصف الطاوله هو قلبي
>>>لا يكثر بس شكلك تاركه عشان إذا إنفقع القلم
عالعموم هذي مشاركتي وأتمنى أن تنال رضاكم
>>قلبها إذاعه صباحيه